Welkom, Besoeker
Welkom, Besoeker

Titel: Geelvinkies nes die lente laag..

Deur Koekekranka
Datum gepubliseer: 26 September 2017 Aantal woorde: 87 31 Kere gelees 1

Die vinkies nes dié lente laag
oor droё, dorre, doodlê-dam
en vogloos waai die wind aaneen
in dwarrels wat met son-heet vlam.

Dié reёn-seisoen se skrapsigheid
het bruut die ysterklip ontbloot
en oor die barheid van die veld
’n waterskaarste-dood gestoot.

Elders wroet en wring sandhose
óp deur ariede vaalgrys-blou
asof in soeke na die reen
wat God van mens en dier onthou.

…Geelvinkies nes dié lente laag
want hul weet dié jaar blý droog…
Maar kom ʼn goeie reënseisoen
swaai nessies vrolik wiegend hoog!




  • TEMAS

    Laat u kommentaar

    GESKRYF DEUR
    profiel foto van Koekekranka

    Jy moet ingeteken wees om boodskappe aan hierdie skrywer te kan stuur.

    Publikasies: 89
    Kommentaar telling: 449

    Gebruikers Aanlyn

    0 Lid, 53 gaste aanlyn

    Bydrae Totale