Welkom, Besoeker
Welkom, Besoeker

Titel: Framboos blom die liefde

Deur Loretta Szikra
Datum gepubliseer: 9 Oktober 2017 Aantal woorde: 126 40 Kere gelees 2

As jy vanjaar in Rusland is
gaan soek die lentekind
Sy ontwaak net met die soet stem
van die lentewind.

Sy slaap in die Betula-woud
waar silverberke blom
Met ʼn eike-takkie in haar hand
slaan sy die winter stom.

Vra haar dat die vlinderbos
heeljaar hier sal blom.
Dat skoenlappers in swerms
reënboogkleure hierheen kom.

Sê haar dat die liefde
framboos blom op ons stoep.
Vra haar dat die naguiltjies
mekaar weer snags sal roep.

Vra haar dat die somerson
sag oor ons sal streel,
en die blulpadda sy maanlig weer
met die plat-anna sal deel.

Vertel haar eks oor die hartseer
van ons feetjietuin se dood –
want met die aankoms
van die lentereën,
ontwaak ʼn pienkvoet-lentelelie
beelddskoon in my skoot.

* Ivahné Szikra – 2017-10-03




  • TEMAS
    2 Kommentaar
    1. profiel foto van Lorraine

      Lorraine

      Oktober 10, 2017

      Ek love hierdie gedig, Loretta… right up my ally!!

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 65
    Kommentaar telling: 56

    Gebruikers Aanlyn

    0 Lid, 65 gaste aanlyn

    Bydrae Totale