Welkom, Besoeker
Welkom, Besoeker
Taal waarskuwing*

Titel: Fênsy woorde sonder kappies

Deur Caren Kearley
Datum gepubliseer: 27 September 2017 Aantal woorde: 96 38 Kere gelees 5

Ek wou ook soos jý
leestekens oor my woorde lê
want jy kon die klem verskuif
toonhoogte só aangee. Met ‘n
alt 136 het ek toe ge-ê
sonder om veel te sê
soos ‘n Hadida
net vlugloos ge-ê-ê
want jy, my kind
was vir my die wind
wat my vlerke sou laat vlieg
oor jou hoogtes het ek gedroom,
met alt was alles moontlik,
maar soms is die opsies beperk
want met of sonder leestekens
sal ek jou nooit werklik kan sê
hoe ongodelik hoog my liefde
jou spoorloos sal kan dra.

© 2017 Caren Kearley
Kopiereg voorbehou




  • TEMAS
    2 Kommentaar
    1. profiel foto van Koekekranka

      Koekekranka

      September 27, 2017

      Oordenkend…
      Interessant en oorspronklik!

    2. Viooltjie

      September 27, 2017

      Baie goed gedoen, Caren!

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 85
    Kommentaar telling: 7

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    0 Lid, 69 gaste aanlyn

    Bydrae Totale