Welkom, Besoeker
Welkom, Besoeker

Titel: En wanneer slaap die bosbokooi?

Deur Viooltjie
Datum gepubliseer: 10 September 2017 Aantal woorde: 93 36 Kere gelees 2

Leeus brul in die nag,
uile jag,
hiënas lag.

In lemoenboorde (langs die Limpopo)
knal gaskanonne sporadies in die donker.
Bobbejane slaap nie.
Olifante breek bome af.

Voor ligdag roer blouape in Nyalaboomkrone.
En teen skemer is ‘n jakkals aan die draf.

Die nag is nie gemaak om in te slaap nie.
Die nag is gemaak vir wakkerlê en dink.
Verlange ontwaak in die donker –
dit weet ek nou.

En dat leeus brul in die nag,
dat grootoog uile muise jag
en dat hiënas in die duister lag.

© Carma Shaw
Julie 2017




  • TEMAS

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 204
    Kommentaar telling: 716

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    3 Lede, 8 gaste aanlyn

    Bydrae Totale