Welkom, Besoeker
Welkom, Besoeker

Titel: Ek sal onthou

Deur Viooltjie
Datum gepubliseer: 6 Maart 2017 Aantal woorde: 84 158 Kere gelees 1

as die wolke pers word bo die gras wat groen
soos dit hierdie seisoen in die Vrystaat doen

as die see haar branders laat skuim oor die sand
ek weer kaalvoet loop oor ‘n blinkwater strand

as die lug so newel en die berg verbloem
maar my najaarsaalwyn oranje lemoen

as swawels sweef oor die boulevard brug
waar populier verklaar – die herfs is terug

en as die geelbekwou so luglangs hou
mikstert, hangvlug – teen die Maartmaandblou

dán sal ek onthou

© Carma Shaw
06 Maart 2017




  • TEMAS
    2 Kommentaar
    1. profiel foto van neels

      neels

      Maart 7, 2017

      Carma en ek belowe jou die Vrystaat is bitter mooi met sy wuiwende groen mielielande na die mildelike reën

      • Viooltjie

        Maart 7, 2017

        Dankie vir die saamlees, Neels 🙂 Dit is wonderlik om te sien hoe die Vrystaat nou lyk. Nou wag ons hier in die Kaap vir ons reën ook.

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 211
    Kommentaar telling: 724

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    0 Lid, 42 gaste aanlyn

    Bydrae Totale