Welkom, Besoeker
Welkom, Besoeker

Titel: Ek onthou

Deur Anze
Datum gepubliseer: 27 Julie 2017 Aantal woorde: 104 16 Kere gelees 1

vroegoggend
as die spasies broos vasgedruk
tussen lig en donker lê
groei ‘n donkeronthouseisoen
om weer op treurboggels te ry

terwyl verlange
uit die kruike van my oë drup
sien ek hoe die son poeier oor my bed
en daar buite nuwe botsels
aan boomgeraamtes bot

dán roep die beeld van jou dood
rou in my slaapwarm asem
uit die piet-my-vrou se keel;
dit is dan wat ek witduiflik
om nuwe aanneming bid

hoor ek die windfluit
wat kreukelwolke met letters
van jou naam, sag oor die kim kom verf
en in blindepalms het ek jou beeld
van my wang gevee

© Anzé Bezuidenhout




  • TEMAS

    Laat u kommentaar

    GESKRYF DEUR
    profiel foto van Anze

    Jy moet ingeteken wees om boodskappe aan hierdie skrywer te kan stuur.

    Publikasies: 144
    Kommentaar telling: 1398

    Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

    Gebruikers Aanlyn

    0 Lid, 59 gaste aanlyn