Welkom, Besoeker
Welkom, Besoeker
Taal waarskuwing*

Titel: Ek is niemam

Deur Caren Kearley
Datum gepubliseer: 22 September 2017 Aantal woorde: 110 23 Kere gelees 2

Niemand sien my meer
of weet wat my hart begeer
miskien iets heel eenvoudigs
soos om net te luister na jou stil
onegalige hipnotiese asemhaling
koesterend in die lumier van ons kamer

Niemand sien waar ek faal
of weet waar my gedagtes dwaal
miskien op ‘n vreemde kontinent
met jou donker silhouëet afgeëts
op die horison van my herinneringe.

Niemand sien wat ek probeer vergeet
of weet van my geheime harts kreet
miskien wyl ek doofstom ten hemele skree
hoor ek dalk nie hoe jou biegwoorde
fluister oor die kruising van my siel:

“My engel, my engel
ek het jou lankal reeds verlaat”

©Caren Kearley
Kopiereg word voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 74
    Kommentaar telling: 5

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    5 Lede, 115 gaste aanlyn