Welkom, Besoeker
Welkom, Besoeker
Taal waarskuwing*

Titel: Droomverlore

Deur Caren Kearley
Datum gepubliseer: 12 September 2017 Aantal woorde: 111 21 Kere gelees 3

In die gleufies van my lewe
lê flentertjies van jou en bewe,
amper het ek heeltemal vergeet
dat jou liefde my bestaan afmeet.

Ek wou
so graag nog
meer tyd saam met jou deel
pampoenpitte vir jou steel
dans in die skadu van ‘n rooikrans
sweef oor valleie op die rug van ‘n goudgeel gans
op Halley se komeet saam met jou vlieg
op die sekelmaan rondwieg
Jan tuisbly se karretjie holrug ry
op Levinia se besem deur die sonstrale gly
husse met lang ore vang
‘n knoop maak in Eva se slang
atlantis besoek saam met ‘n stompneusdolfyn;
maar nou het tyd ons eenwees laat kwyn.

© 2016 Caren Kearley
Kopiereg voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 74
    Kommentaar telling: 5

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    5 Lede, 82 gaste aanlyn