Welkom, Besoeker
Welkom, Besoeker

Titel: Droogte

Deur Janetta-Helena Boonzaaier
Datum gepubliseer: 1 Maart 2017 Aantal woorde: 122 145 Kere gelees 3

Droogte

Vannag gaan hy weer oor die dorre droogte
se skraps weiding wakkerlê en van die
hinderlike nagtelike fyn skwiek-skwiek
van die windpompwiel in die sterk wind – – –

Soggens gou eers kyk in watter rigting
die weerhaan windpompvlerk staan,
maar dis weer westewind wat waai
en seerste seer teleurstelling tref, maar

gewaar vir Katjie oorkant op die tuinmuur
laaglê en voetjie- vir- voetjie iets bekruip
dan skielik opspring as die jag verveel en
stap vetgevoer stert kwispelend kombuistoe – – –

Môre wys dit dalk reënwind noord, en
hy kyk vol verwagting verweg hoopvol na
die noorder horison en dink hou hart, hou
moed, net môre waai die reënwind dalk – – –

Janetta – Helena [Babs]©




  • TEMAS

    Laat u kommentaar

    GESKRYF DEUR
    profiel foto van Janetta-Helena Boonzaaier

    Jy moet ingeteken wees om boodskappe aan hierdie skrywer te kan stuur.

    Publikasies: 337
    Kommentaar telling: 205

    Gebruikers Aanlyn

    2 Lede, 12 gaste aanlyn