Welkom, Besoeker
Welkom, Besoeker
Taal waarskuwing*

Titel: Die vryheid van liefde

Deur Caren Kearley
Datum gepubliseer: 14 September 2017 Aantal woorde: 104 39 Kere gelees 3

Teleurstelling is ‘n onvolledige opgawe
van die prentjie wat voor my siels-oog afspeel
hier waar ek die skerp punt van jou tong
nou uit my vernielde rugwerwels
geduldig sit en uitbytel.

Jou lensiesop het ek soos ‘n wesie
vir soetkoek krummels opgeëet
alhoewel ek en jy mekaar vreugdevol
in ons ydel vryheid verkrag het
deur Salomo se wysheid
te verpand vir meer geleende tyd.

Die letsels op jou woorde
kraak kru kruipend
saam met die gletsertrane
oor die kruispad van my wang.

Miskien moet jy andersom-bid
om eendag ten volle te begryp
sonder liefde
kan vryheid nie bestaan.

© Caren Kearley
Kopiereg word voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 85
    Kommentaar telling: 7

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    0 Lid, 32 gaste aanlyn

    Bydrae Totale