Welkom, Besoeker
Welkom, Besoeker

Titel: Die stilte in jou plek

Deur Loretta Szikra
Datum gepubliseer: 24 April 2017 Aantal woorde: 146 83 Kere gelees 2

Ek mis die musiek uit jou kamer
wat so knaend kon pla
Ek mis dit om soggens
vir jou koffie aan te dra

Waar ons dit onder die wurgvy
op die tuinbankie drink
terwyl ons luister na die voëltjies
en kyk hoe die son
deur die blare blink.

Ek mis hoe jou lag
deur die huis weergalm
Hoe jy vloermoere gooi
as ek te lank na jou sin
in die winkels rond-talm

Hoe jy jou opruk vir skoonsus
as sy lyf wegsteek,
jou broer eenkant roep
en sê, “hou op banggat wees!”

Ek verlang na jou
as ons aan tafel eet
Jou plek is oop
maar jou stoel is leeg.

Al is jy net oproep vér
en sê steeds elke dag
“eks lief vir jou mom”,
is dit die stilte in jou plek
wat my die hardste slaan.

…en die ketel bly ook koud.




  • TEMAS
    3 Kommentaar
    1. profiel foto van Amaspoke

      Amaspoke

      April 24, 2017

      Maak plan en kontak hom . . . Pragtige werk!

    2. profiel foto van Amaspoke

      Amaspoke

      April 24, 2017

      Verskoon tog, die deel van “maak ‘n plan” in die vorige kommentaar was eintlik bedoel vir iemand anders. die kop werk somtyds nie so lekker nie dan raak ek deurmekaar. Pragtige werk.

      • profiel foto van Loretta Szikra

        Loretta Szikra

        April 25, 2017

        He he, baie dankie Casper. Dit gaan mos maar so met ons … deurmekaar en verstrooid soos net ons dit verstaan.

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 38
    Kommentaar telling: 45

    Gebruikers Aanlyn

    0 Lid, 29 gaste aanlyn