Welkom, Besoeker
Welkom, Besoeker

Titel: Die skans

Deur Bianca van Niekerk
Datum gepubliseer: 18 September 2017 Aantal woorde: 140 19 Kere gelees 4

Glimlaggend hartseer bang en so bly
Gaan altyd goed dankie hoe gaan dit met jou
Dans dans die lewe op donder wolke verby
Die glimlag om haar lippe glinster blou

Hoe kan jy weet hoe die tsunami’s dag na dag
Verskeie emosies in haar hart rondspoel
Hoe mag jy sien hoe sy deur innerlike trane lag
En giggel oor hoe die rondomtalie binne haar voel

Verstaan vandag haar kop is altyd na bo
Soms as jy mooi kyk sal jy wel sien wat ek bedoel
Die grond onder haar voete – daar sien jy haar oë
Sien jy soms hoe haar warm hart verkoel

Bitter-soet
Versigtig-tevrede

Sy dans op die ritme van haar hartseer trane
Sy snik op die melodie van haar jubelende drome
Die skans wat beskerm hou ook gevange
Maar dans sal sy dans op die trane strome




  • TEMAS

    Laat u kommentaar

    GESKRYF DEUR
    profiel foto van Bianca van Niekerk

    Jy moet ingeteken wees om boodskappe aan hierdie skrywer te kan stuur.

    Publikasies: 6
    Kommentaar telling: 1

    Ek is gebore met 'n liefde vir gedigte. Ek het 'n passie vir geskrewe woord in enige taal en ek hou veral van vrye vers en omarmde rym gedigte. Wanneer ek skryf, maak ek gebruik van my eie emosies en ondervindinge.

    Gebruikers Aanlyn

    5 Lede, 98 gaste aanlyn