Welkom, Besoeker
Welkom, Besoeker

Titel: Die PANSERSLAG

Deur Toom
Datum gepubliseer: 5 Junie 2017 Aantal woorde: 194 589 Kere gelees 3

Op die vlakte, etlike honderd vierkantkilometers groot, woel die yslike kettingvoertuie die aarde om, soos die kompanies probeer om in ‘n gunstige posisie te kom. Om aan te val, om te skiet. Om veilig in beweging te bly, om nie geskiet te word nie. Die vyandelike verbande voer ‘n kompliseerde dans uit, soos versigtige swaargewig-boksers wat met wakker oë mekaar bespied en ‘n opening in die ander se verdediging soek.
So gaan dit die hele dag al en heelwat skote is reeds afgevuur, maar nog het niemand die oorhand gekry nie.
‘n Offisier merk dat sy wa herhaaldemale op ‘n punt uitkom, waar ‘n rooigeverfde houtpen in die grond steek.

Ringsom is alles oopgeskeur, verrinneweer. Maar hierdie rooi pennetjie bly in die midde van die moeras staan met ‘n klein kolletjie groen daarom. Die offisier spring af wanneer sy wa daarnaby tot stilstand kom; hy loop oor om te kyk, wat is dit wat daar gekenteken word, wat nie omgery word nie.
Dit moet ‘n plaasseun uit een van die tenks van een van die leers gewees het wat reeds soggens vroeg ‘n markeerpen daar ingeslaan het.
Dis ‘n lewerik se nessie.

©.2016………………………………………………….ooOoo…………………………………………………………..tje




  • TEMAS

    Laat u kommentaar

    GESKRYF DEUR
    profiel foto van Toom

    Jy moet ingeteken wees om boodskappe aan hierdie skrywer te kan stuur.

    Publikasies: 129
    Kommentaar telling: 130

    Dag-ook, alhoewel ek miskien 'n bietjie baie oor taalkwessies en filosofie mag redekawel, het ek NIE 'n graad of soiets in  taalkunde of wysbegeerte nie. Wat ek weet, of meen dat ek weet, het ek onder meer op praktiese manier in die klaskamer geleer - aan en van die kinders - ook my belewenisse van konferensies en kongresse, van biertjies op die stoep, dagblaaaie en vaktydskrifte en die gans normale daaglikse waansin. Sommiges het bly kleef. Weiniges.Sedert meer as veertig jare woon ek in Duitsland; het vrou, kinders, kinderssekinders, huis, hond gehad, katte ook, heimwee. Tweekeer het ek in hierdie tyd heimatverlof geniet.Eindelik kan gestolde gedagtes, verflenterde notatjies, stowwerige uitdrukswyse nou uit hul winterslaap wagword. My uitgangspunt is dat die woorde lekker moet proe, glad oor die tong moet rol.Alles wat ek skryf is outobiografies - ek het nie die geld vir die prokureur nie.- Oupa, nie alles wat lekker is, is soet nie. Proe maar hierdie klawerblad - dis mos lekkersuur, nè?So leer ons hopelik van mekaar. Groetnis vanToom

    Gebruikers Aanlyn

    1 Lid, 45 gaste aanlyn