Welkom, Besoeker
Welkom, Besoeker
Taal waarskuwing*

Titel: Die nag

Deur Caren Kearley
Datum gepubliseer: 2 Oktober 2017 Aantal woorde: 96 12 Kere gelees 1

Drie uur in die môre
raak jy aan my hart soos maanligstrale
wat sag oor bruisende branders streel;
‘n halwe eeu doen jy dit al
weergalm melioristies deur my nag
asof ‘n ewigheid altyd op ons sal wag.

Melkwegwaarts slaan ek my oë soms op,
in die diepdonker stort vreemde sterre neer
tydloos soos diamante uit die duister
en hang trane oor my wange
want my lig skyn nog te helder hier
in die nadraai van jou skaduwee
onder jou glinsterstippels;
anker ek my spore immer
styf teen jou siel vas.

© 2017 Caren Kearley
Kopiereg voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 74
    Kommentaar telling: 5

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    0 Lid, 28 gaste aanlyn