Welkom, Besoeker
Welkom, Besoeker

Titel: Die lewe gaan aan

Deur Bianca van Niekerk
Datum gepubliseer: 4 Oktober 2017 Aantal woorde: 252 43 Kere gelees 3

Die as bly draai, die son gaan slaap
net om more weer gelukkig sy opwagting te maak
Die maan – wat elke dag die son na-aap
en lui-lui elke nag deur die hemelruim kraak

So werk dit nog altyd, so is dit dan nou
die lewe gaan aan – sy eie gang
Waag dit om aan die verlede te klou
Dan staan jy alleen en soms ook bang

Dis nie altyd net so wit en swart en rooi
soos ons gedwing word om te glo dit moet wees
soms is dit kleurvol of dof of net mooi
Soms het wonde en letsels tyd nodig om te genees

Die Skepper bepaal waar en wanneer die strepie stop
Hy weet wat Hy doen, waarom, met wie
Maar die dag as daardie hammer kom val op my kop
Is dit my storie en nie almal se plek vir opinies nie

Onthou net, my pyn, my seer en alles wat met my gebeur
dis my padjie, my handleiding, my padkaart
Dis nie vir jou om my lewe uit mekaar te kom skeur
of om my pyn joune te maak in volle vaart

Hierdie keer verstaan ons self nie regtig hoe
wanneer, waarom en hoekom met ons
Maar ons vertrou en ons laat die Vader toe
om Sy storie deur ons mure te laat bons

Verlies is aaklig, dit kom in alle vorms deur
maar ons weet hierdie pyn is net tydelik so rou
Hoewel dit ons drome uitmekaar kon skeur
was ons regtig so baie lief vir jou!




  • TEMAS

    Laat u kommentaar

    GESKRYF DEUR
    profiel foto van Bianca van Niekerk

    Jy moet ingeteken wees om boodskappe aan hierdie skrywer te kan stuur.

    Publikasies: 9
    Kommentaar telling: 2

    Ek is gebore met 'n liefde vir gedigte. Ek het 'n passie vir geskrewe woord in enige taal en ek hou veral van vrye vers en omarmde rym gedigte. Wanneer ek skryf, maak ek gebruik van my eie emosies en ondervindinge.

    Gebruikers Aanlyn

    0 Lid, 72 gaste aanlyn

    Bydrae Totale