Welkom, Besoeker
Welkom, Besoeker

Titel: Die edel van amber

Deur Viooltjie
Datum gepubliseer: 13 Mei 2017 Aantal woorde: 140 54 Kere gelees 2

In Pole
– waar dit koud is –
aan die Baltiese-see
se kus
in ‘n land van baie sneeu
en reën
en mis
het – miljoene jaar gelee’ –
‘n boom
– in immergroen geklee –
harstrane
oor haar stam laat loop

warm-goud in kleur
en muskus was die geur

harpuisgom het uit wonde
van die denneboom gebloei
en deur krake in haar bas
– vir ‘n honderd jaar of meer –
na die woudvloer neergevloei
om daar – allengs –
tot heuningklip te fossileer

*

in Pole
– waar dit koud is –
aan die Baltiese-see
se kus
in ‘n land van baie sneeu
en reën
en mis
staan ook nóú
‘n den in immergroen
reeds – vir vele jare al –
met haar eed’le lot versoen

dat
– oor millennia van nou –
die trane wat sy ween
om die polse
en die halse
van adelik’ prinsesse
sal amber-edelsteen

C. Shaw
18 Julie 2014




  • TEMAS

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 193
    Kommentaar telling: 707

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    2 Lede, 42 gaste aanlyn