Welkom, Besoeker
Welkom, Besoeker

Titel: Die dieptes van ons liefde

Deur Loretta Szikra
Datum gepubliseer: 25 Mei 2017 Aantal woorde: 167 132 Kere gelees 1

Met die punte van my vingers
trek ek jou lyne na
Ons vergeet van alles om ons
en die dinge wat ons pla.

Jy raak aan my ontblote hart
‘wyl ons toe-oë staar na niks
fluister warm woorde
oor hoe gelukkig ons saam is.

Met teerheid wat nét jy ken
soen jy my – in ń ander dimensie in…
Vér weg van seerkry
na ons eenwees – sonder einde of begin.

Na waar ons laat-aand
na die sterre soek
met die wolke voor die maan
Dans op ons drome
as die wêreld nét vir ons stilstaan…

Onder volmaan gloei ons liefde
waar die melkweg oor ons skyn
Vryval deur die dieptes
van een liefde
waarin ons saam verdwyn.

Ons maak liefde in die laatnag
klou aan elke oomblik vas
Verken die paaie na ons harte
wat in mekaar inpas.

Met die palms van my hande
streel ek jou silhoeët
Koester die goue bande
en dit wat ek en jy

vir soveel jaar al het.




  • TEMAS
    5 Kommentaar
    1. profiel foto van Amaspoke

      Amaspoke

      Mei 24, 2017

      Pragtige skrywe en so vol liefde

    2. profiel foto van neels

      neels

      Mei 25, 2017

      Sjoe lorretta hierdie is darem werklik n werk wat n staande applous verdien

    3. profiel foto van Palet

      Palet

      Mei 25, 2017

      Baie mooi

    4. profiel foto van Viooltjie

      Viooltjie

      Mei 25, 2017

      Praftige liefdesvers Loretta. Perfekte ritme en rym. Goeie werk 🙂

    5. profiel foto van Loretta Szikra

      Loretta Szikra

      Mei 26, 2017

      Baie dankie Inkmaats vir julle inloer en mooi kommentaar. Ek waardeer dit baie.

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 51
    Kommentaar telling: 47

    Gebruikers Aanlyn

    1 Lid, 23 gaste aanlyn