Welkom, Besoeker
Welkom, Besoeker

Titel: Die Blou Fees

Deur Ronel Janse van Vuuren
Datum gepubliseer: 10 Oktober 2017 Aantal woorde: 385 13 Kere gelees 1

Tema: Fees. 381 woorde.
#
Sia spring van die dak af en hardloop by die stegie af. Sy het nie nodig dat enigiemand sien – of weet – waarheen sy gaan nie.

Grootendeels het die studente waarmee sy rondhang geen benul wat die ooreenkomste is wat hulle sluit nie. En selfs as hulle dit sou uitwerk gee niemand om nie. Om roekelose pret te hê voordat hulle die regte wêreld betree is wat meeste van hulle soek. As sy haar Hof in die proses help…

Sy spring oor die heining en gaan die woud binne. Niemand gaan daar nie, nie eens die dwaasste sterfling nie. Na die dodetal gedurende die laaste fees…

Sia sluk en beweeg geruisloos deur die bome. Bosnimfe gluur vir haar vanwaar hulle onder ‘n olmboom vergader; wimpel-feetjies sis vir haar soos sy onder hul doringboom duik; selfs die dwaalligte vlieg weg wanneer sy nader kom.

Sy ignoreer hulle almal. Sy het ‘n belangrike taak. Eindelik maak sy dit tot by die opening in die middel van die woud. Sy tel ‘n blaar op, prik haar vinger en drup bloed op dit.

‘My bloed, roep dié wat ek soek.’

Binne oomblikke is die opening gevul deur Feë van elke kleur, ras en grootte.

‘Jy is laat.’

Sy gluur vir die man wat heel moontlik die moderne uitbeelding van vampiere as aantreklike gediertes wat getem moet word geïnspireer het.

‘Ek het my deel gedoen.’ Sy gluur vir hom. ‘Die Fees kan voortgaan soos beplan.’

Hy lig ‘n wenkbrou.

‘Jy het…’

Sy hou ‘n hand op. ‘Laat hulle net weet, okay? Ek moet terug voordat ek gemis word.’
#
Net na sonsopkoms op ‘n Saterdagoggend staan Sia omring deur dronk studente. Hulle is dié wat altyd laat by partytjies bly. Hulle is die sterflinge wat roekeloos is en té dwaas om te weet wanneer om te stop.

Sy kyk hoe ‘n see van blou op hulle afdaal vir die fees. Feë van orals kom: blou water Feë en blou veld Feë; selfs die blou muse Feë daag op.

Sonder weifeling kyk sy hoe die sterflinge weggelei word om hulself tot uitputting te dans tydens die fees – en dan die hoofmaal te word. Sy het haar deel gedoen om haar Hof gevoed en veilig te hou vir nog ‘n jaar. Sy gryp ‘n vuil-vos-kabouter en gaan dans saam.
##




  • TEMAS
    1 Kommentaar
    1. profiel foto van Anze

      Anze

      Oktober 12, 2017

      Pragtig, baie dankie vir jou bydrae tot die Oktober 2017 – Fees projek

    Laat u kommentaar

    GESKRYF DEUR
    profiel foto van Ronel Janse van Vuuren

    Jy moet ingeteken wees om boodskappe aan hierdie skrywer te kan stuur.

    Publikasies: 52
    Kommentaar telling: 241

    Daagliks skryf ek die stories neer wat in my kop woel. Of dit nou oor olifante en kabouters in die Knysna bos is en of dit oor ‘n tienermeisie is wat die wêreld moet red, ek is daar.My wêreld draai om my twee Rottweiler seuns – hulle leer my om die perfekte dag na te streef, want vandag kan die laaste wees. Die perfekte dag: lag, dink en huil. Om te skryf maak elke dag die perfekte dag. In 2016 was ek ook benoem as Verhaalskrywer van die jaar hier op INK. Ek kan gevolg word op Twitter @miladyronel en meer van my gedagtes kan gevind word op my blog https://ronelthemythmaker.wordpress.com/.

    Gebruikers Aanlyn

    0 Lid, 50 gaste aanlyn