Welkom, Besoeker
Welkom, Besoeker

Titel: Die BERG

Deur Toom
Datum gepubliseer: 6 Augustus 2017 Aantal woorde: 211 61 Kere gelees 4

Die BERG

In die hoë berge van die Westerse Ryk was ‘n klein dorpie waar die boertjies gesukkel het om ‘n bestaan te maak. Hulle het hard gewerk en geswoeg, maar wat hulle op die mark in die stad daarvoor gekry het, was maar min. Bowendien was daar ‘n berg tussen die dorpie en die stad wat hulle soggens in die een rigting moes uitklim en saans van die ander kant af terug. Vroeg-vroeg moes hulle opstaan en het eers na donkerheid teruggekeer; en anderdagmôre moes hulle weer uit op veld en akker om hul karige bestaan te verdien.

Lank het die toestand aangehou, maar eindelik het die dorpsraad besluit om raad by die kluisenaar op ‘n ander berg te gaan vra.

Hy luister na hul klagte en gee toe volgende raad: „Elkeen wat oor die berg gaan, man, vrou en kind, neem ‘n klip van die boonste plek op hul pad stadtoe, dra dit ondertoe en gooi dit onder weg. Op pad huistoe, dieselfde storie, en gooi dit diekant weg. Almal, elke keer.”

Hulle het sy raad gevolg, en siedaar! Die berg is al afgebou en die pad stadtoe loop glad en reguit deur die pas — en skaars drie-honderd jare is om.

©4e.Augustus2027…………….∆∆ΩΩΩ∆∆………………….2014tje

[Volksgoed uit Sjina]




  • TEMAS
    1 Kommentaar
    1. profiel foto van Anze

      Anze

      Augustus 6, 2017

      Pragtig, baie dankie vir jou bydrae tot die Augustus – As die seisoene draai projek 

    Laat u kommentaar

    GESKRYF DEUR
    profiel foto van Toom

    Jy moet ingeteken wees om boodskappe aan hierdie skrywer te kan stuur.

    Publikasies: 149
    Kommentaar telling: 148

    Wat ek weet, of meen dat ek weet, het ek onder meer op praktiese manier in die klaskamer geleer - aan en van die kinders - ook my belewenisse van konferensies en kongresse, dagblaaie, biertjies op die stoep en die gans normale daaglikse waansin. Byna vyftig jare woon ek al in Duitsland; eindelik kan gestolde gedagtes, verflenterde notatjies nou uit hul winterslaap wagword. My uitgangspunt is dat die woorde lekker moet proe, glad oor die tong moet rol. Alles wat ek skryf is outobiografies - ek het nie die geld vir die prokureur nie.

    Gebruikers Aanlyn

    1 Lid, 65 gaste aanlyn

    Bydrae Totale