Welkom, Besoeker
Welkom, Besoeker

Titel: Chemo-spook

Deur Elroux
Datum gepubliseer: 29 Maart 2017 Aantal woorde: 107 92 Kere gelees 1

verlenging van lewe
of verlenging van lyding
morfien as enigste bevryding
naarheid wat in stuiptrekkings kook
die beeltenis van ‘n gemaakte spook

hol oë wat kyk maar nie meer sien
gewillige geprogrammeerde masjien
ore wat hoor maar nie meer luister
deur spinnerakke toegespin in duister

liggaam sonder lewensap
al die kanale leeggetap
steeds deur naalde oopgevlek
al is daar niks om uit te trek
speldekussings van vel en been
spoke van waarom en waarheen

die skepper kom gou
sy handewerk bekyk
met ander uitslae vergelyk
oë wat smekend keer
gaan weg ons kan nie meer
is die vordering tog nie mooi
nog ‘n eksperiment is byna voltooi




  • TEMAS
    1 Kommentaar
    1. profiel foto van Toom

      Toom

      Maart 29, 2017

      VERSKRIKLIK IS DIT!
      HOE KAN MENS SOIETS SKRYF?
      — buiten dat dit waar is —
      DIS NIE MOOI NIE, DIS WALGLIK!
      — én dis besonders goed daargestel —
      .
      — en daarom moes dit wel geskryf word —
      Dankie.
      GvT

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    5 Lede, 42 gaste aanlyn