Welkom, Besoeker
Welkom, Besoeker

Titel: bosveldhuisie

Deur Elroux
Datum gepubliseer: 5 Junie 2017 Aantal woorde: 146 74 Kere gelees 2

die koue sny deur been en steen
flou sonnetjie bring ‘n nuwe dag
‘n wind wat troosteloos ween
‘n vrou wat wag
waar is die tyd tog heen
sy kan vergewe maar nie vergeet
hoe die son warm geskyn het
oor haar bosveldhuisie
elke geleende somersdag
so warm en knus in die winter
haar kinders naggesoen
saamgekuier by die vuur
saam beplan vir ‘n nuwe groen seisoen
vrolike stemme eggo in elke hoek
dan onthou sy die nag
die nag van die groot bang
skote wat deur haar wese dring
gille wat in die lug bly hang
‘n flitsende lem in die flou maanlig
toe niks…
‘n lewe wat in vlamme opgegaan
‘n vuur wat alles vat wat dierbaar is
haar alleen laat staan
met haar herinnering
aan ‘n bosveldhuisie vol sonskyn en prag
nou ‘n oopbek murasie wat grynsend lag

* FAK Sangbundel: (Bosveldhuisie)

© Evanthe 2017 Elroux




  • TEMAS
    1 Kommentaar
    1. profiel foto van Anze

      Anze

      Junie 6, 2017

      Pragtig, baie dankie vir jou bydrae tot die Junie FAK projek

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 143
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    0 Lid, 88 gaste aanlyn

    Bydrae Totale