Welkom, Besoeker
Welkom, Besoeker

Titel: Bloedmaan en blues

Deur Viooltjie
Datum gepubliseer: 29 Mei 2017 Aantal woorde: 140 434 Kere gelees 6

Had ek maar net die woord’ kon vind
om ‘n vers vir jou te skryf
in daardie koue voordag uur,
dan sou ek oor die maan wou praat
– vroeg die oggend –
minute net na vier.

Ek sou jou kon vertel
hoe roes ‘n maan kan rooi
(neffe môrester wat flikkers gooi)
en dat ‘n donker roof
haar wang bedek.

In taal wat rym sou ek verklaar
dat sy daar eensaam hang –
bo Prins Albert se Karoo-landskap
en oor die Gamkakloof se dam.

(O’ hoe verruk het sy haar wond laat gloei
– waar yl die gras en bossies groei –
oor die eindelose vlaktes
en oor ‘n wolskaap
met haar lam.)

Maar wyl die eeu en stond bepaal
dat sy in stilte sou moes bloei
kon ek – helaas –
geen woorde vind
om in vers vir jou te vloei.

© C. Shaw
1 Oktober 2016




  • TEMAS
    6 Kommentaar
    1. neels

      Oktober 2, 2016

      soos altyd pragtig Carma

      • profiel foto van Viooltjie

        Viooltjie

        Oktober 2, 2016

        Baie dankie, Neels. Ek waardeer die gereelde saamlees en kommentare 🙂

    2. profiel foto van Janetta-Helena Boonzaaier

      Janetta-Helena Boonzaaier

      Oktober 2, 2016

      Ek hou baie van die gedig, die pragtige plattelandse metafore het my nogal nostalgies gestem Ek kon die alleenheid aanvoel, die eensaamheid daar in die veld van die wolskaap en haar lammetjie in die maanlig. Dit was stemmingsvol en baie mooi vir my as ‘n plaaskind.

      • profiel foto van Viooltjie

        Viooltjie

        Oktober 2, 2016

        Bie dankie vir die saamlees en meelewende kommentaar, Janetta. Ek waardeer dit sommer baie. 🙂

    3. profiel foto van Palet

      Palet

      Oktober 3, 2016

      Baie mooi

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 172
    Kommentaar telling: 695

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    0 Lid, 41 gaste aanlyn