Welkom, Besoeker
Welkom, Besoeker

Titel: As seisoene hul jas ophang

Deur Linda du Plessis
Datum gepubliseer: 26 Julie 2017 Aantal woorde: 210 7 Kere gelees 2

As seisoene hul jas ophang

As seisoene hul jas ophang
die kleurspel aan die kapstok die son se strale vang
en lente se aroma baljaar en gedy
nuwe lewe blosend groei vir jou en my
roesbruin geel oranje spatsel
op die aarde neerdartel
die groen tapyt en dae soos heuning
ryp vrugte en sonskyndae bring
ons met winterkaggelvuur aande bymekaar
oor die sneeukleed staar

so wissel die seisoene elke jaar
somer as ons vreugdevol in die branders baljaar
herfs nagte koeler raak
winter die maan koesterend oor ons waak
lente vrolik tussen blommeprag speel
vier seisoene wat die jaar vir mekaar deel
van Januarie tot Desember vroegjaar na najaar
onder die son die nag die maan en sterre baljaar
die een seisoen sy jas ophang
sodat die ander seisoen dit vervang

as blare val word dooie blare ‘n voedselkring
vir nuwe lewe nuwe vrugte wat nuwe sade bring
die kringloop van die natuur en ons lewenssiklus
tye vir blare blomme vrugte sade tye om te rus
dan val die blare vir die heel laaste keer
saggies dartelend of met rukwinde op die aarde neer
dit die laaste lewensseisoen sal aankondig
as blare val op hul finale lewensvlug

v
a
l

v
a
l

v
a
l

©Kopiereg Linda du Plessis 2017




  • TEMAS

    Laat u kommentaar

    GESKRYF DEUR
    profiel foto van Linda du Plessis

    Jy moet ingeteken wees om boodskappe aan hierdie skrywer te kan stuur.

    Publikasies: 28
    Kommentaar telling: 2

    Ek was 'n onderwyseres, getroud, het drie kinders en vyf kleinkinders. Ek was vir tien jaar hooforganiseerder en bemarker van die Boertjie Kontreifees op Bultfontein (www.vollaboertjiefees.co.za) en het verlede jaar uitgetree en is nou saam met my man permanent op toer om ons passie vir ons land, die natuur en diere deur fotografie uit te leef. Ek het so twee jaar gelede uitgevind dat ek gedigte kan skryf en het sopas my 200 ste gedig geskryf en my eerste boek "Suid-Afrika deur die oë van ons lense met kiekies en gedigte" voltooi wat binnekort na die drukker gestuur gaan word. Dit het 256 bladsye, 550 foto's met 55 bypassende gedigte. Ek is op Facebook onder Linda du Plessis en Gedigte, Rympies, Foto's en Geestelike pitkos. Ek sal graag wil opgradeer na 'n betalings opsie. Baie dankie en seënwense!

    Gebruikers Aanlyn

    0 Lid, 91 gaste aanlyn