Welkom, Besoeker
Welkom, Besoeker

Titel: As ek kon dig

Deur Loretta Szikra
Datum gepubliseer: 8 Oktober 2017 Aantal woorde: 85 43 Kere gelees 2

As ek kon dig –
sou ek jou naam
in elke versie skryf.
Sóú ek kon sing –
was my hart se melodië
aan jou toegewy.

Was ek ʼn skrywer
of ʼn digter
selfs arm skilder sonder oor
Sou ek met ink
en skilderye
liefde in jou hart optoor.

In elke hoofstuk
van my halfklaar boek
sou jy tussen kronkellyne
kon lees waarna ek soek.

Dalk sou jy
die kompleksieteit
van my hart se taal verstaan –
was ek ʼn digter
of skrywer
of arm skilder sonder faam.




  • TEMAS

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 65
    Kommentaar telling: 56

    Gebruikers Aanlyn

    0 Lid, 89 gaste aanlyn

    Bydrae Totale