Welkom, Besoeker
Welkom, Besoeker

Titel: Argelose saad

Deur Elroux
Datum gepubliseer: 5 April 2017 Aantal woorde: 163 109 Kere gelees 3

gebreek
verwater
afgeskaal
nie wie ek is
of wil wees
dis hoe ek voel
in jou afwesige teenwoordigheid.
dom en onbeholpe
as jou skaduwee oor my val
is ek net ‘n buitelyn
‘n potloodskets
wat soos niks
uit jou lewe gevee word.

jou dorings steek in my hande
bloeiende hande
wat ek uitgestrek hou na jou
vir bietjie salwing –
maar jy kyk verby my
na verre horisonne
daar waar ek nie is nie
terwyl ek met jou praat

jou mondhoeke verstrak
as ek aan jou raak
jou totsiens soen
ek is gruis in jou skoen
of ek by jou is of nie
vir jou is ek argelose saad
deur die wind verwaai

as jy weg is…
is ek half bly
verlig
die seerkry ure is verby
dat ek weer my nuwe wonde lek
soos ‘n weggooi hond
tog steek jou dorings
diep in my
skeur my oop
in huilende fonteine
ek, geweeg en te lig bevind
jy my pa
ek jou kind




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 143
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    0 Lid, 10 gaste aanlyn

    Bydrae Totale