Welkom, Besoeker
Welkom, Besoeker

Titel: Ambissie

Deur Loretta Szikra
Datum gepubliseer: 29 Maart 2017 Aantal woorde: 127 137 Kere gelees 1

Ek het ambissie gehad
te veel daarvan
getrap oor wat
in my pad sou staan

Op paaie gegaan
waar niemand wou
die skerp kant van die lem
teen my keel gehou

Soos die dag van die nag
verby jou geleef
op sukses se vlerke
moes ek sweef

Voor ek die slaap
uit my oë kon vee
was die kinders groot
ons harte leeg.

Julle het opgehou vra
ons het opgehou praat
julle was hier
ekke daar

Te veel ambissie
té veel trots
het my dié wat ek liefhet
die meeste gekos!

Gelukkig ons bande
in liefde gesmee
julle het my nog altyd
soveel meer gegee.

Vandag is ek hier
waar ek die graagste wil wees
ń huis vol vreugde
en dié wat ek liefhet
reg onder my neus.




  • TEMAS
    1 Kommentaar
    1. profiel foto van Elroux

      Elroux

      Maart 29, 2017

      Lieflike gedig oor die belangrikste dinge in die lewe.

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 65
    Kommentaar telling: 56

    Gebruikers Aanlyn

    0 Lid, 39 gaste aanlyn

    Bydrae Totale