Welkom, Besoeker
Welkom, Besoeker

Titel: Altyd My Engel

Deur André van Wyngaardt
Datum gepubliseer: 5 Maart 2017 Aantal woorde: 376 178 Kere gelees 7

Ma is daar in die hemel;
ma is by Jesus.
Die mooiste engel – my ma –
dit weet ek gewis.

En dit troos my hart
om te weet ma is veilig; ma is gered.
Hy het ma kom haal
so onder stille gebed.

Ek dink weer aan ma vandag
en my vingers – dié blink traannat.
Dit voel maar soms of my lewe
soos ‘n druppel uitmekaar wil spat.

Dan kry ek hierdie prentjie
en ek droog my trane gou.
Ek sien hoe God Sy kind
teen Sy borskas vashou.

Ma is daar in die hemel.
Ma is gelukkig.
Ma se kaki-groen oë wat skyn
in Sy helder lig.

En dit troos my hart
om te weet ma is vry van ‘n wêreld vol seer.
‘n Ewige vakansie
gekry van die Heer.

Ek dink weer aan ma vandag
en my vingers – dié blink traannat.
Dit voel maar soms of my lewe
soos ‘n druppel uitmekaar wil spat.

Dan kry ek hierdie prentjie
en ek droog my trane gou.
Ek sien hoe God Sy kind
teen Sy borskas vashou.

Altyd is ma my engel !

Vader, ek wil graag dankie sê
dat ek ‘n ma soos my ma kon hê.
U’t my geseën om ‘n engel
soos my ma te ken.

En ma het my van liefde geleer.
Vandag sê ek dankie, liewe Heer.
‘n Engel-ma het U vir my gegee.

Ek dink weer aan ma vandag
en my vingers – dié blink traannat.
Dit voel maar soms of my lewe
soos ‘n druppel uitmekaar wil spat.

Dan kry ek hierdie prentjie
en ek droog my trane gou.
Ek sien hoe God Sy kind
teen Sy borskas vashou.

Ek sien hoe God Sy kind
teen Sy borskas vashou.

“Altyd My Engel” is ‘n liedjie wat geskryf, gekomponeer en gesing is deur myself (André van Wyngaardt)
Hierdie lied verskyn op my debuut album (Skadu’s Van My Hart), soos vrygestel in 2012.

Volg my gerus op Facebook vir meer liedjies en videos en om te sien waar ek volgende optree.
Facebook Fan Page: André van Wyngaardt Musiek

Epos adres: andrevwmusiek@gmail.com
Selfoon nommer: 083 712 9081




  • TEMAS

    Laat u kommentaar

    GESKRYF DEUR
    profiel foto van André van Wyngaardt

    Jy moet ingeteken wees om boodskappe aan hierdie skrywer te kan stuur.

    Publikasies: 5
    Kommentaar telling: 1

    Liewe liefhebber van ons mooi Afrikaanse taal,Hartlik welkom by my profiel waar ek stukkies van my hart en siel met julle deel in die vorm van liriek en musiek. Ek sien myself meer as 'n liedjieskrywer, komponis en sanger as 'n digter, maar ek sal ook met liefde van my gedigte met julle deel. Ek skilder ook graag en het 'n passie vir fotografie.Die 1ste Maart 2017 sal dit al 'n jaar wees sedert ek begin het met die produksie (ateljee opnames en verwerkings) van my 2de CD en dan sluit dit nie die tyd in wat ek geskryf het aan van die liedjies wat op hierdie album gaan verskyn teen einde April - of middel Mei 2017 nie.Ek glo julle sal 'n kykie in my hart kan kry deur na my musiek te luister en my skrywes te lees; dus gaan ek nie te veel skryf oor myself nie.Elke talent en gawe kom van die Here af en ons mag nooit dit begrawe nie; ons moet dit eerder altyd vir mekaar gun om ons talente en gawes te deel en te inspireer waar ons kan.Liefde-groete,André

    Gebruikers Aanlyn

    0 Lid, 78 gaste aanlyn