Welkom, Besoeker
Welkom, Besoeker

Titel: Agter geslote deure

Deur Loretta Szikra
Datum gepubliseer: 14 April 2017 Aantal woorde: 117 134 Kere gelees 7

Agter geslote deure
van hul volmaakde bestaan
dreun die harde woorde
wat deur haar menswees slaan

Haar selfbeeld is stukkend
haar menswees, net ń hopie as
haar oë net ń herinniring
van die sonskyn wie sy was

Hy slaan nie met die vuis nie
maar moker met die tong
sy woning níé haar huis nie
net ń lêplek vir sy hond.

Vlymskerp sweepslae uit sy mond
klap soos bokhael teen haar vas
terwyl sy ja-en-amen
swaai hy die septer rond!

Hier voor ons almal
is hy die perfekte man
dra haar op sy hande
trek duur en stylvol aan.

Later vanaand agter grendels
van hul volmaakde bestaan
weergalm harde woorde
deur walms van drank
wat deur haar menswees slaan.




  • TEMAS
    2 Kommentaar
    1. profiel foto van Barbara

      Barbara

      April 15, 2017

      So hartseer!!!

    2. profiel foto van Anze

      Anze

      April 15, 2017

      Pragtig, baie dankie vir jou bydrae tot die April se ope afdeling projek

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 58
    Kommentaar telling: 51

    Gebruikers Aanlyn

    0 Lid, 96 gaste aanlyn