Welkom, Besoeker
Welkom, Besoeker
Taal waarskuwing*

Titel: Adelike siele

Deur Caren Kearley
Datum gepubliseer: 3 September 2017 Aantal woorde: 143 24 Kere gelees 5

Jy was dom om na haar toe te kom
in haar hart te kruip
eeue lank te wag, g-e-d-u-l-d-i-g
agter haar dofste eng spieël
kadawers van dieselfde klawers
narkoties in die walms van jul stiltes
hou jy aan om haar siel uit ‘n skulp te mes
met jou segende vingers
liefkoos jy elke primadeeltjie
van haar gesilhoeëtteerde self.

Lae van jou siele-adelikheid
sypel deur haar veskansde woorde,
sy salf jou uit die krake van haar voetspore
soms trek sy selfs jou skoene
van jou
voete af
wanneer jy haar heilige grond betreë;
maar môre, donker voor dagbreek
voor die kwêvoëls wâ-ha-ha-whê gil
laat sy jou weer gaan
om jou somer te loof
doer-ver agter haar hart se krater.

So is die lewe,
so is die Lot
of was dit maar net sý vrou.

© Caren Kearley
Kopiereg voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 79
    Kommentaar telling: 7

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    1 Lid, 32 gaste aanlyn

    Bydrae Totale