Welkom, Besoeker
Welkom, Besoeker
Taal waarskuwing*

Titel: 2017

Deur Caren Kearley
Datum gepubliseer: 25 Julie 2017 Aantal woorde: 109 46 Kere gelees 1

Is dit eers as
ritmiese refleksies van die lewe
rookseine uit jou asemsnare ruk;
dat die werklikheid tasbaar raak
wanneer woorde bloei oor jou wese –
geskandeer tot klankbedrog in waaigras.

Is dit eers as
simpatie vereenvoudig in simmetrie;
woed deur die klankbaan van wat jy voel
dat jy die reuk van realiteite sien rym
is dit dan dat pennehouer en skedel woorde kweek?

Of was dit toe
die dobbelsteen sing en die wiel draai
dat jy jouself vind in die agterruimte
van jou (on)bewuste donker dimensie
waar niemand jou onsigbaar kan tas
waar net jy (alleen-een) staar na die geraamtes in jou kas.

© 2017 Caren Kearley
Kopiereg voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 74
    Kommentaar telling: 5

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    2 Lede, 21 gaste aanlyn